हामी सबैकाे संसारन्यूज

२३ असार, काठमाडौँ । स्पेनलाई पराजित गर्दै इटाली युरो २०२० को फाइनलमा प्रवेश गरेको छ।  बुधबार विहान सकिएको पहिलो सेमिफाइनल खेलमा इटालीले स्पेनलाई पेनाल्टी सुटआउटमा ४-२ गोलले पराजित गर्दै युरो २०२० को फाइनलमा प्रवेश गरेको हो । ]

यी दुई टिम बिचको खेल निर्धारित ९० मिनेटमा १-१ गोलको बराबरीमा रोकिएको थियो । खेलको ६० औँ मिनेटमा फेडेरिको चिएसाले गोल गर्दै इटालीलाई अग्रता दिलाएका थिए । खेलको ८० औँ मिनेटमा अल्भारो मोराटाले स्पेनका लागि बराबरी गोल फर्काएका थिए ।

९० मिनेटको खेल पछि थपिएको ३० मिनेट अतिरिक्त समयमा पनि कुनै गोल नभएपछि खेल पेनाल्टी सुटआउटमा गएको थियो । पेनाल्टी सुटआउटमा स्पेनका लागि ड्यानी ओल्मो र अल्भारो मोराटा गोल गर्नबाट चुकेका थिए ।

इटाली सन् २०१२ पछि पहिलाे पटक युरो कपको फाइनलमा पुगेको हो ।