हामी सबैकाे संसारन्यूज

२३ असार, काठमाडौँ । कोलम्बियालाई पेनाल्टी सुटआउटमा पराजित गर्दै अर्जेन्टिना कोपा अमेरिका २०२१ को फाइनलमा पुगेको छ ।
आज विहान सम्पन्न भएको सेमिफाइनल खेलमा कोलम्बियालाई पेनाल्टी सुटआउटमा ३-२ ले पराजित गर्दै अर्जेन्टिना फाइनलमा पुगेको हो ।

खेलको सातौं मिनेटमा कप्तान लिओलन मेसीले पेनाल्टी एरियामा दिएको पासमा लाउटारो मार्टिनेजले गोल गदै अर्जेन्टिनालाई अग्रता दिलाएका थिए । पहिलो हाफमा १-० गोलले पछि रहेको कोलम्बियाले दोस्रो हाफको ६१ औँ मिनेटमा बराबरी गोल फर्काएको थियो । लुईस डियासले कोलम्बियाका लागि बराबरी गोल फर्काएका थिए ।

निर्धारित समयको खेल १-१ गोलको बराबरीमा सकिएपछि खेलको निर्णय पेनाल्टी सुटआउटबाट लिइएको थियो । पेनाल्टी सुटआउटमा कोलम्बियाका सान्चेज, मेना र कार्डोनाको प्रहारलाई अर्जेन्टिनाका गोलकिपर इमिलियोले विफल पारेका थिए । अर्जेन्टिनाका लागि लिओनल मेसी, परेडेस र लाउटारो मार्टिनेजले गोल गरेका थिए ।

अब उपाधिका लागि अर्जेन्टिनाले आयोजक ब्राजिलसँग आगामी आइतबार विहान प्रतिस्पर्धा गर्नेछ।