हामी सबैकाे संसारन्यूज

२५ असार, पोखरा । गण्डकी प्रदेशमा आज थप ७ कोरोना संक्रमितको मृत्यु भएको छ ।

प्रदेशको स्वास्थ्य निर्देशनालयका अनुसार पछिल्लो २४ घण्टामा कास्कीका ३, वागलुङका ३ र तनहुँका १ जना गरी ७ जनाको मृत्यु भएको हो । आज थपिएका ५ जनासँगै प्रदेशमा हालसम्म संक्रमणबाट ज्यान गुमाउनेको संख्या ९८८ पुगेको छ ।

त्यसैगरी प्रदेशमा आज म्याग्दीमा ४, पर्बतमा २२, गोरखामा ९,लमजुङमा २३, तनहुँमा २, कास्कीमा १२९, वागलुङमा ४८, स्याङजामा ७ र नवलपरासीपूर्वमा ३७ जना गरी २८९ जना नयाँ संक्रमित थपिएका छन् । ती मध्ये १२४ जना महिला र १५७ जना पुरुष रहेका छन् ।

आज थपिएका २८९ जनासँगै प्रदेशमा हालसम्म ५८ हजार ६२९ जनामा कोरोना संक्रमण पुष्टि भएको छ भने ती मध्ये ५४ हजार ५४१ जना निको भइसकेका छन् ।

प्रदेशमा हाल ३ हजार १ सय सक्रिय संक्रमित रहेका छन् । ती मध्ये होम आइसोलेशनमा २७१६ जना रहेका छन् भने अन्यको विभिन्न अस्पताल तथा संस्थागत आइसोलेशनमा उपचार भइरहेको निर्देशनालयले जनाएको छ ।

कोरोना संक्रमणबाट गण्डकी प्रदेशमा आज ५ को मृत्यु, २६९ संक्रमित