हामी सबैकाे संसारन्यूज

२४ असार, पोखरा । गण्डकी प्रदेशमा आज ५ कोरोना संक्रमितको मृत्यु भएको छ ।

प्रदेशको स्वास्थ्य निर्देशनालयका अनुसार पछिल्लो २४ घण्टामा कास्कीका ४ र पर्बतका १ गरी ५ जनाको मृत्यु भएको हो । आज थपिएका ५ जनासँगै प्रदेशमा हालसम्म संक्रमणबाट ज्यान गुमाउनेको संख्या ९८१ पुगेको छ ।

त्यसैगरी प्रदेशमा आज म्याग्दीमा ११, पर्बतमा ५, गोरखामा ३३, तनहुँमा ३२, लमजुङमा ९, कास्कीमा ८६, स्याङजामा ४५ र नवलपरासीपूर्वमा ४८ जना गरी २६९ जना नयाँ संक्रमित थपिएका छन् । ती मध्ये १३४ जना महिला र १३४ जना पुरुष रहेका छन् । साथै प्रदेशमा आज ३५२ जना संक्रमणबाट मुक्त भएका छन् ।

आज थपिएका ३९६ जनासँगै प्रदेशमा हालसम्म संक्रमित हुनेको संख्या ५८ हजार ३४८ जना संक्रमित भएका छन् । ती मध्ये ५४ हजार २०४ जना निको भएका छन् ।

प्रदेशमा हाल ३१६३ जना सक्रिय संक्रमित रहेका छन् । ती मध्ये २८०९ जना होम आइसोलेशन र बाँकी अस्पताल तथा संस्थागत आइसोलेशनमा उपचाररत छन् ।