Sansar News
असार २४, काठमाडौं । नेकपा (एमाले)का नेता सुरेन्द्र पाण्डेलले पार्टी विवाद सहमती उन्मुख भएको दाबी गरेका छन् । एमाले विवाद समाधान कार्यदलका सदस्यसमेत रहेका उनले एक/दुई दिनमै सहमतीको घोषणा हुने बताए ।
एमाले कार्यदलका छलफलबारे एक सञ्चार माध्यमलाई प्रतिक्रिया दिँदै उनले बुधबार राती भएको ‘मेरियट वार्ता’सँगै विवाद समाधान उन्मुख रहेको उनको भनाई छ । उनले मेरियट होटलमा भएको अध्यक्ष केपी शर्मा ओली र माधव नेपालबीचको वार्ता निकै सकारात्मक रहेको उनले बताए ।
एक अर्को प्रसंगमा बोल्दै नेता पाण्डेले आफुँहरु विपक्षी गठबन्धनमा नरहेको बताएका छन् । उनले कांग्रेस सभापति शेरबहादुर देउवाको पक्षमा आफ्नो समूह नरहेको बताए ।
एमाले विवादकै कारण देउवालाई प्रधानमन्त्री बनाउन नसकिने उनको भनाई छ । उनले एमाले विवाद समाधान तर्फ गएको भन्दै देउवालाई प्रधानमन्त्री बनाउन नसकिने बताए ।
वि.सं.२०७८ असार २४ बिहीवार १७:५५ मा प्रकाशित
