Sansar News
२४ असार, काठमाडौं । कोरोना भाइरस विरुद्धको खोप ‘भेरोसेल’ ल्याउनका लागि भोलिदेखि चीनको बेइजिङतर्फ तीन उडान गर्नेे भएको छ ।
नेपाल वायुसेवा निगमको बाइडबडी ए ३३० जहाजबाट भोलिदेखि यहि साउन ८ गतेसम्म तीनवटा उडानमार्फत खोप ल्याउन लागिएको हो ।
स्वास्थ्य तथा जनसङ्ख्या मन्त्रालयका प्रवक्ता डा।कृष्णप्रसाद पौडेलले चीनबाट भेरोसेल खोप ल्याउनका लागि जहाज त्यसतर्फ जाने बताए । सरकारले सरकार–सरकार (जिटुजी)मार्फत चीनबाट खोप ल्याउन लागेको हो ।
मन्त्रालयका अनुसार खोप लिन निगमको विमान चीनका लागि उड्ने छ भने जहाजले असार २५ गते खोप ल्याउने छ । यस्तै असार ३१ गते पुनः बाइडबडी जहाज खोप लिन गएर साउन १ गते तथा साउन ७ गते पुनः जहाज नेपालबाट गएर साउन ८ गते खोप ल्याउने छ ।
वि.सं.२०७८ असार २४ बिहीवार १९:०१ मा प्रकाशित
