हामी सबैकाे संसारन्यूज

२४ असार, झापा । झापा भद्रपुरका उद्योगी तथा समाजसेवी परशुराम अग्रवालको निधन भएको छ ।

झापा उद्योग वाणिज्य संघका पूर्वअध्यक्षसमेत रहेका ६२ बर्षीय अग्रवाल अग्रवालको कोरोना संक्रमितका कारण निधन भएको हो । भारतको सिलिगुडीस्थित महाराजा नर्सिङ होममा उपचारत अग्रवालको बुधबार मृत्यु भएको हो।

स्वास्थ्यमा समस्या देखिएपछि गत जेठ ३१ गते पीसीआर परीक्षण गरिएकोमा उनलाई कोरोना संक्रमण पुष्टि भएको थियो । कोरोना संक्रमण भएसँगै केही दिन होम आइसोलेसनमा बसेर उपचार गराइरहेका उनको स्वास्थ्य अवस्था जटिल बनेपछि थप उपचारका लागि असार ४ गते भारतको सिलिगुडी लगिएको थियो । उपचारपछि स्वास्थमा सुधार हुँदै गएपनि बुधवार दिउँसो अचानक अवस्था गम्भिर बनेपछि भेन्टिलेटरमा राखेर उपचार गराइएकोमा चिकित्सकले केही घण्टामै उनको मृत्यु भएको जानकारी गराएका थिए ।

व्यवसायसँगै समाजसेवामा समेत सक्रिय रहेका उनको जिल्लामा मनसा सिमेन्ट उद्योग, मगमग चाउचाउ, ग्यालेक्सी इन्टरनेशनल स्कुल, गुट्खा उद्योग, घडी बिडी उद्योग, होटेल, सिनेमा हल लगानी रहेको छ ।