Sansar News
२७ असार, काठमाडौं । स्वास्थ्य शिक्षामा भइरहेका चरम बेथिति विरुद्ध तथा धरानको BPKIHS को बचाउका निम्ति आन्दोलित नागरिक अभियन्ताहरु प्रदर्शनका क्रममा पक्राउ परेका छन् ।
बिपी कोइराला स्वास्थ्य विज्ञान प्रतिष्ठान धरानका चारजना पदाधिकारीलाई पदमुक्त गरी नयाँ पदाधिकारी चयन गुर्नपर्ने माग गर्दै नागरिक आन्दोलनमा वृहद् नागरिक आन्दोलनका अभियन्ताहरु पक्राउ परेका हु्न् ।
बिपी प्रतिष्ठानमा दलीय भागबण्डा नभई वस्तुगत मापदण्डका आधारमा पदाधिकारी नियुक्त गर्नुपर्ने माग गर्दै सिंहदरबारको दक्षिण गेटमा प्रदलर्शनमा उत्रिएका अभियन्ताहरुमध्ये अभियन्ता नारायण वाग्लेसहित १७ जनालाई प्रहरीले पक्राउ गरेको हो ।
बिपी प्रतिष्ठानमा चरम भष्टाचार भएको समाचार बारम्बार बाहिर आउँदा पनि सरकारले त्यसप्रति छानविन गर्न चासो नदेखाएको आरोप लगाउँदै नागरिक अभियन्ताहरु निरन्तर आन्दोलनमा उत्रिएका छन् ।
पूर्वनिर्धारित योजना अनुसार सिंहदरबार अघि धर्ना बस्नपुगेका उनीहरुलाई धर्ना बस्नुपूर्व नै प्रहरीले पक्राउ गरेको एक अभियन्ताले बताएका छन् । उनका अनुसार पक्राउ परेका अभियन्ताहरुलाई महेन्द्र पुलिस क्लवमा राखिएको छ ।
वि.सं.२०७८ असार २७ आइतवार १२:४१ मा प्रकाशित
