Sansar News
२७ असार, काठमाडौं । ७० जना कलाकर्मी नेकपा एमाले परित्याग गरि नेपाली कांग्रेसमा प्रवेश गरेका छन् । शनिबार कांग्रेस सभापति शेरबहादुर देउवा निवास बूढानीलकण्ठमा भएको पार्टी प्रवेश कार्यक्रममा सभापति देउवाले काँग्रेस प्रवेश गर्ने कलाकर्मीहरुलाई पार्टीमा स्वागत गर्दै सदस्यता प्रदान गरेका थिए ।
सोही कार्यक्रममा हास्यकलाकार सुरेन्द्र केसी ‘मुलासाग’ र महादेव त्रिपाठी ‘जादुगर’ले पनि काँग्रेसको सदस्यता लिएका छन् ।
एमाले परित्याग गरी कांग्रेस प्रवेश गर्नेहरुमा गायक मोहन राई, मेनुका भुजेल, गंगाराज राई, प्रेमबहादुर लिम्बु, मित्रकुमार राई, चन्द्र कुमारी राई, कमल कुमार राई, दिपेश कुमार बान्तावा र दिपेनकुमार बान्तावा रहेका छन् ।
यसैगरी आङ्गारिक शेर्पा, उद्देश्य राई, अजय राई, श्रीकृष्ण खड्का, विजय कुँवर, प्रदीप राई, सगुन मगर, अमिर बुढाथोकी, रामबहादुर विश्वकर्मा, विरुबहादुर विश्वकर्मा, अस्मिता मगर, प्रदीप बुढाथोकी, गणेश दशारालगायत रहेका छन् ।
कांग्रेसमा प्रवेश गरेका मुलासाग र जादुगर भने यसअघि कुनै पार्टीमा संलग्न रहेका छैनन् । उनीहरुको पार्टी प्रवेश यो पहिलो हो ।
वि.सं.२०७८ असार २७ आइतवार १४:३५ मा प्रकाशित
