हामी सबैकाे संसारन्यूज

२७ असार, पोखरा । गण्डकी प्रदेशमा कोरोनाको नयाँ भेरियन्ट फेला परेको छ ।

प्रदेशको स्वास्थ्य निर्देशनालयका अनुसार प्रदेशमा नयाँ भेरियन्ट जाँचका लागि राष्ट्रिय जनस्वास्थ्य प्रयोगशाला टेकुमा पठाईएको नमुनामध्ये ५ वटामा नयाँ भेरियन्ट डेल्टा (बि.१.६१७.२) पुष्टि भएको हो ।

निर्देशनालयका अनुसार कालिगण्डकी गाउँपालिकाका १४ र ६० वर्षीय २ पुरुष तथा गोरखाको बारपाक सुलिकोट गाउँपालिकाका ७०, ३३ र ४० वर्षीया ३ महिला गरी ५ जनामा उक्त नयाँ भेरियन्ट पुष्टि भएको हो ।

‘पहिलो अल्फा भेरियन्टमा भन्दा संक्रमण हुने दर केही बढी भएकाले व्यक्तिगत सुरक्षाका मापदण्ड अपनाई थप सतर्कता अपनाउनहुनु सम्पूर्ण नागरिकहरुमा जानकारीको लागि अनुरोध छ ।’ निर्देशनालयद्धारा आइतवार जारी विज्ञप्तिमा भनिएको छ ।