हामी सबैकाे संसारन्यूज

असार २७, काठमाडौं । निर्वाचन आयोगले नेकपा (माओवादी केन्द्र) वैधानिक रहेको ठहर गरेको छ । आयोगको आइतबार दिउँसो बसेको बैठकले माओवादी केन्द्र अवैधानिक रहेको भन्दै परेको निवेदन र दावीलाई खारेज गरिदिएको हो ।

आयोगका प्रवक्ता राजकुमार श्रेष्ठका अनुसार माओवादी केन्द्रको दर्ता खारेजी गर्नुपर्ने मागमा कुनै कारण नदेखिएको बैठकले निष्कर्ष निकालेको छ ।

‘माओवादी केन्द्रको दल दर्ता खारेजीको निवेदन परेको थियो, आयोगले त्यो निवेदनलाई खारेज गरेको छ’, श्रेष्ठले भनेका छन्, ‘आयोगले माओवादी केन्द्र वैधानिक रुपमा सञ्चालनमा रहेको ठहर गरेको छ ।’

माओवादी केन्द्र अवैधानिक रुपमा सञ्चालन रहेको दाबी गर्दै एमालेका पूर्वमाओवादी समूहका नेताहरुले अधिवक्ता सरोज बुढाथोकीमार्फत असार २३ मा आयोगमा दल दर्ता खारेजीको माग गर्दै निवेदन दिएका थिए । उनीहरुले आफुँहरुमाथि माओवादी केन्द्र गरेको कारबाही पनि अवैध रहेको जिकिर गरेका थिए ।