Sansar News
असार २७, काठमाडौं । नेकपा (एमाले)का विवाद समाधानको लागि गठित कार्यदलको बैठक ८ घण्टादेखि जारी छ । सिंहदरबारमा बिहान ९ बजेदेखि जारी बैठकमा नेताहरु विवाद समाधानको खोजीमा छन् ।
कार्यदलको बैठक जारी रहेकै बेला कार्यदल सदस्य नेता घनश्याम भुसाल भने वरिष्ठ नेता माधवकुमार नेपाललाई भेटेर फर्किएका छन् । कार्यदलको बैठक जारी रहेकै बेला उनी नेता नेपाललाई भेट्न बानेश्वर पुगेका थिए ।
उनी केहि समय अघि बैठक स्थलमा प्रवेश गरिसकेका छन् ।
कार्यदलले आज नै सहमतिको घोषणा गर्ने तयारी गरेको छ । तर, केहि विवादका विषयहरुमा भने सहमति नभईसकेको बुझिएको छ ।
वि.सं.२०७८ असार २७ आइतवार १७:४७ मा प्रकाशित
