Sansar News
२७ असार, पोखरा । गण्डकी प्रदेशमा आइतबार थप ७ कोरोना संक्रमितको मृत्यु भएको छ ।
प्रदेशको स्वास्थ्य निर्देशनालयका अनुसार पछिल्लो २४ घण्टामा बाग्लुङ र कास्कीका २\२ जना, म्याग्दी, तनहुँ र स्याङजनाका १\१ गरेर ७ जनाको मृत्यु भएको हो । आज थपिएका ७ जनासँगै प्रदेशमा हालसम्म संक्रमणबाट ज्यान गुमाउनेको संख्या १००१ पुगेको छ ।
त्यसैगरी प्रदेशमा आज म्याग्दीमा ४, पर्बतमा २९, गोरखामा १०, लमजुङमा १५, तनहुँमा ११, कास्कीमा २१९, वागलुङमा ११९, स्याङजामा ४ र नवलपरासीपूर्वमा ४ जना गरी ४१० जना नयाँ संक्रमित थपिएका छन् । ती मध्ये १७९ जना महिला र २३१ जना पुरुष रहेका छन् । शनिबारको तुलनामा प्रदेशमा आज संक्रमित हुनेको संख्या बढी रहेको छ । त्यस्तै आज प्रदेशमा ३०० जना निको भएका छन् ।
आज थपिएका ४१० जनासँगै प्रदेशमा हालसम्म ५९ हजार १६४ जनामा कोरोना संक्रमण पुष्टि भएको छ भने ती मध्ये ५५ हजार २७२ जना निको भइसकेका छन् ।
प्रदेशमा हाल २८९१ सक्रिय संक्रमित रहेका छन् । ती मध्ये होम आइसोलेशनमा २६११ जना रहेका छन् भने अन्यको विभिन्न अस्पताल तथा संस्थागत आइसोलेशनमा उपचार भइरहेको निर्देशनालयले जनाएको छ ।
गण्डकी प्रदेशमा कोरोनाको नयाँ भेरियन्ट फेला, थप सतर्कता अपनाउन अनुरोध
वि.सं.२०७८ असार २७ आइतवार १९:४४ मा प्रकाशित
