Sansar News
२७ असार, काठमाडौँ । नेकपा (एमाले) स्थायी कमिटीको बैठक भोलि सम्मका लागि स्थगित गरिएको छ । आइतबार अपरान्ह चार बजेका लागि प्रधानमन्त्री निवास बालुवाटारमा बोलाइएको बैठक बस्दै नबसी स्थगित भएको हो ।
एकताका लागि बनेको कार्यदलको वार्ता जारी रहेकाले बैठक भोलिसम्मका लागि स्थगित गरिएको एमाले नेता शेरबहादुर तामाङले जानकारी दिए ।
कार्यदलको सहमति कुरेको बसेको जानकारी दिँदै नेता तामाङले स्थायी कमिटीको बैठक भोलि साँझतिर बैठक बस्ने बताए ।
आजको स्थायी समितिको बैठकमा पूर्वमाओवादी नेताहरु पनि सहभागी हुने बताइएको थियो ।
वि.सं.२०७८ असार २७ आइतवार १९:५९ मा प्रकाशित
