Sansar News
२६ असार, पोखरा । कोरोना संक्रमणबाट गण्डकी प्रदेशमा शनिबार थप ६ जनाको मृत्यु भएको छ ।
प्रदेशको स्वास्थ्य निर्देशनालयका अनुसार पछिल्लो २४ घण्टामा लमजुङका २, कास्कीका २, वागलुङ र तनहुँका १÷१ जना गरी ६ जनाको मृत्यु भएको हो । आज थपिएका ६ जनासँगै प्रदेशमा हालसम्म संक्रमणबाट ज्यान गुमाउनेको संख्या ९९४ पुगेको छ ।
त्यसैगरी प्रदेशमा आज मुस्ताङमा ५, म्याग्दीमा २, तनहुँमा ३१, कास्कीमा ४८, स्याङजामा ९ र नवलपरासीपूर्वमा ३० जना गरी १२५ जना नयाँ संक्रमित थपिएका छन् । ती मध्ये ६५ जना महिला र ६० जना पुरुष रहेका छन् ।
आज थपिएका १२५ जनासँगै प्रदेशमा हालसम्म ५८ हजार ७५४ जनामा कोरोना संक्रमण पुष्टि भएको छ भने ती मध्ये ५४ हजार ९७२ जना निको भइसकेका छन् ।
प्रदेशमा हाल २७८८ सक्रिय संक्रमित रहेका छन् । ती मध्ये होम आइसोलेशनमा २६१३ जना रहेका छन् भने अन्यको विभिन्न अस्पताल तथा संस्थागत आइसोलेशनमा उपचार भइरहेको निर्देशनालयले जनाएको छ ।
वि.सं.२०७८ असार २६ शनिवार १९:१५ मा प्रकाशित
