हामी सबैकाे संसारन्यूज

२८ असार, काठमाडौँ । नेपाली काँग्रेसले देशका विभिन्न भागमा गएको विनाशकारी बाढी पहिरोका कारणले पु¥याएको जनधनको क्षतिको तथ्याङ्क संकलन तथा बाढी पहिरो पीडितहरुलाई राहत कार्यमा सहयोग पु¥याउने उद्देश्यले “बाढी पहिरो विपत व्यवस्थापन समन्वय समिति” बनाएको छ ।

नेपाली कांग्रेस केन्द्रीय कार्यसमितिको २०७८ असार ४ गतेको बैठकको निर्णयानुसार पार्टीका केन्द्रीय सदस्य, खेलकूद विभागका प्रमुख एवं पूर्वमन्त्री मोहनबहादुर बस्नेतको संयोजकत्वमा “बाढी पहिरो विपत व्यवस्थापन समन्वय समिति” बनाइएको कांग्रेस केन्द्रीय कार्यालयका मुख्य सचिव कृष्णप्रसाद पौडेलले प्रेस वक्तव्यमार्फत जानकारी दिएका छन् ।

सभापति शेरबहादुर देउवाले उक्त समितिको देहायका पदमा देहायका व्यक्तिहरुलाई मनोनयन गरेको बताइएको छ ।
जसअनुसार
१) सहसंयोजक —  दिव्यमणि राजभण्डारी, सदस्य–प्रतिनिधि सभा
२) सचिव — किरण गिरी, केन्द्रीय सदस्य—नेपाली कांग्रेस
३)कोषाध्यक्ष —  कल्पना चौधरी, केन्द्रीय सदस्य—नेपाली कांग्रेस
४) सदस्य — भूमिबहादुर (विश्व) गुरुङ, आमन्त्रित केन्द्रीय सदस्य— नेपाली कांग्रेस
५) सदस्य —  रामबहादुर विष्ट, प्रतिनिधि सभा सदस्य
६) सदस्य —  बहादुर सिंह थापा, पूर्व सांसद एवं पूर्व जिल्ला सभापति, नेपाली कांग्रेस–कञ्चनपुर
७) सदस्य —  राजीवबिक्रम शाह, संविधान सभा सदस्य, जाजरकोट
८) सदस्य —  तीर्थबहादुर लामा, संविधान सभा सदस्य—काभ्रे
९) सदस्य —  ललितजंग शाही, महासमिति सदस्य—जुम्ला एवं पूर्व सांसद
१०) सदस्य — देवराज चालिसे, महासमिति सदस्य, नेपाली कांग्रेस—कास्की
११) सदस्य —  नगिना यादव, महोत्तरी रहेका छन् ।

मुख्यसचिव पौडेलका अनुसार बाढी पहिरो विपत व्यवस्थापन समन्वय समितिका संयोजक मोहनबहादुर बस्नेतले समितिको आमन्त्रित सदस्यमा विभिन्न व्यक्तिहरुलाई मनोनयन गरेका छन् । जसमा जनार्दन नेपाल, काभ्रेपलाञ्चोक, दीर्घबहादुर के.सी (कुमार), रुपन्देही र चेतनाथ खनाल, गुल्मी रहेका छन् ।