Sansar News
२८ असार, काठमाडौं । लक्ष्मी बैंकले धनुषाको महेन्द्रनगरमा नयाँ शाखाबाट कारोबार सुरु गरेको छ ।
१३१ औँ शाखाका रुपमा धनुषा जिल्लाको क्षिरेश्वरनाथ वडा न. ५ स्थित महेन्द्रनगरमा नयाँ शाखाबाट कारोबार संचालन भएको बैंकले जनाएको छ ।
यो शाखामार्फत बैकंले ग्राहकहरुको वित्तीय आवश्यकता पुरा गर्न आवश्यक सम्पूर्ण रिटेल बैकिंग सेवाका साथै सानातथा लघु व्यवसायीहरु माझ वित्तीय पहुँच पुर्याउने लक्ष्य राखेको बताएको छ ।
बैंकले नयाँ तथा वित्तीय पहुँच नपुगेका क्षेत्रहरुमा सेवा विस्तार गर्दै सुविधाजनक बचत खाता योजना, मुद्दती निक्षेप योजना, घर तथा सवारी कर्जा, साना व्यवसायी कर्जा, लघुवित्तलगायतका बैंकिङ सेवा उपलब्ध गराउँदै आएको बैंकले जारी गरेको विज्ञप्तीमा उल्लेख छ ।
नयाँ शाखाको साथ लक्ष्मी बैंकको संजाल ४८ जिल्लामा १३१ शाखा, ६ एक्सटेन्सन काउन्टर र ५ हस्पिटल सेवा काउन्टर, १६० एटिएम, २५०० भन्दा बढी रेमिटेन्स् एजेन्ट तथा ६१शाखारहित बैंकिङ्ग एजेन्टमार्फत कारोबार भैरहेको बैंकले जनाएको छ ।
वि.सं.२०७८ असार २८ सोमवार २१:१७ मा प्रकाशित
