Sansar News
३१ असार, काठमाण्डौं । हाल देशका विभिन्न भू–भागमा मध्यमदेखि भारी वर्षा भइरहेको छ ।
प्रदेश नं १, बागमती प्रदेश, गण्डकी प्रदेश र लुम्बिनी प्रदेशका एक–दुई स्थानहरुमा मेघगर्जन/चट्याङ्ग सहित भारी वर्षाको सम्भावना रहेको मौसम पूर्वानुमान महाशाखाले जनाएको छ ।
त्यस्तै राति पनि देशभर प्रदेश नं १, बागमती प्रदेश, गण्डकी प्रदेश, लुम्बिनी प्रदेश र सुदूर–पश्चिम प्रदेशका एक–दुई स्थानमा मेघगर्जन÷चट्याङ्ग सहित भारी वर्षाको सम्भावना रहेको महाशाखाले जनाएको छ ।
त्यस्तै आज बिहानदेखि लुम्बिनी प्रदेशको दाङको देउखुरीमा भारी वर्षा भइरहेको छ । सो क्षेत्र भइ बहने स–साना खोलाहरुमा आकस्मिक बहाव बढ्ने सम्भावना रहेकोले सतर्कता अपनाउन अनुरोध गरिएको छ ।
त्यस्तै सुदूरपश्चिम प्रदेशको डोटीस्थित खुटिया खोला मुदिरभारमा पनि आकस्मिक बहाव बढी जलसतहले खतराको तह पार गरेकाले तटप्य क्षेत्रमा सतर्कता अपनाउन अनुरोध गरिएको छ ।
वि.सं.२०७८ असार ३१ बिहीवार ०८:१७ मा प्रकाशित
