हामी सबैकाे संसारन्यूज

३ साउन, काठमाडौँ । नेकपा (एमाले)को स्थायी कमिटी बैठक आज बिहान ११ बजे बस्ने भएको छ ।

पार्टी केन्द्रीय कार्यालय सचिव शेरबहादुर तामाङका अनुसार ललितपुरस्थित तुल्सीलाल स्मृति प्रतिष्ठानमा ११ बजे बैठक बस्ने भएको हो ।

केन्द्रीय कमिटी बैठकको एजेन्डा तय गर्न र विधान अधिवेशनको तयारी गर्नका लागि बैठक आयोजना गरिएको तामाङले जानकारी दिएका छन् । यही साउन ४ गते १४ औँ केन्द्रीय कमिटी बैठक तुल्सीलाल स्मृति प्रतिष्ठानमा बिहान ११ः०० बजे बोलाइएको छ ।

तामाङका अनुसार पार्टी संरचना २०७५ जेठ २ गते अगाडि फर्काउँदै आइतबारको बैठकमा नेपाल पक्षका नेतालाई समेत डाँकिएको छ ।

यसअघि शुक्रबार बसेको एमाले स्थायी कमिटी बैठकमा वरिष्ठ नेता माधवकुमार नेपाल पक्षको सहभागिता रहेपनि बैठक रोक्न माग गरिएकोमा अध्यक्ष ओलीले उनीहरुको प्रस्ताव अस्विकार गरेपछि उनीहरु तत्कालै बैठकबाट बाहिरिएका थिए ।

एमालेले यही साउन २५ देखि २७ गते विधान अधिवेशन गर्ने निर्णय गरेको छ ।