हामी सबैकाे संसारन्यूज

३ साउन, काठमाडौँ । प्रतिनिधि सभाको दोस्रो बैठक सुरु भएको छ । प्रधानमन्त्री शेरबहादुर देउवाले प्रतिनिधि सभाको दोस्रो बैठकमा विश्वासको मतको प्रस्ताव राखेका छन्।

प्रधानमन्त्रीमा देउवालाई नेपाली कांग्रेस, नेकपा माओवादी केन्द्र, जसपाको उपेन्द्र यादव पक्ष, राष्ट्रिय जनमोर्चाले मत दिने निर्णय गरिसकेका छन्।

विपक्षी गठबन्धनमा रहेर देउवालाई प्रधानमन्त्री बन्न सहयोग गरेको नेकपा एमालेका वरिष्ठ नेता माधवकुमार नेपाल पक्षले आधिकारिक निर्णय गर्न नसके पनि केही सांसदहरूले देउवालाई विश्वासको मतको पक्षमा मत दिने बताइरहेका छन्। दिल्लीमा उपचार गराइरहेका वरिष्ठ नेत झलनाथ खनालले देउवा सरकारलाई विश्वासको मत दिन आग्रह गर्दै आफ्नो मत देउवाको पक्षमा हुने स्पष्ट पारेका छन् ।

पछिल्लो सत्ता समिकरणमा देउवालाई माधवपक्ष बिनै बहुमत प्राप्त हुनेस्थिति बनेको छ ।

सर्वोच्च अदालतबाट पुनर्स्थापित प्रतिनिधि सभाको आज पहिलो बैठक बसेको थियो।