हामी सबैकाे संसारन्यूज

काठमाडौँ । धितोपत्र बजारमा सेयर कारोबार मापक नेप्से परिसूचक आज ओरालो लागेको छ। नेपाल स्टक एक्सचेन्ज (नेप्से) का अनुसार आज परिसूचक ८.५० अंकले घटेर २,६५१.५२ को विन्दुमा ओर्लिएको छ । बजार बन्द हुँदासम्म समग्र नेप्से परिसूचकमा ०.३१ प्रतिशतको गिरावट देखिएको हो ।

आज दिनभर कुल ३३८ कम्पनीका ६४ लाख ८० हजार ५९९ कित्ता सेयर ४६,७५१ पटक खरिदबिक्री हुँदा कुल २ अर्ब ८३ करोड २७ लाख ७९ हजार ४११ रुपैयाँ ६२ पैसा बराबरको कारोबार भएको छ। आज बजारमा कुल ८३ कम्पनीको सेयर मूल्य बढ्दा १७२ कम्पनीको मूल्यमा गिरावट आएको छ भने १९ कम्पनीको सेयर मूल्य स्थिर रहेको छ ।

बजारमा गिरावट आए पनि केही कम्पनीको सेयर मूल्यमा भने सकारात्मक सर्किट लागेको छ। जसअन्तर्गत टीपीकेएचएल र वाईएमएचएल को सेयर मूल्य सर्वाधिक १४.९९ प्रतिशतले वृद्धि भई प्रतिवित्ति ५२४.६० रुपैयाँ कायम भएको छ। त्यस्तै, केएमसीडीबी को मूल्य १२.८४ प्रतिशत र एसएपिडीबिएलको मूल्य ५.१६ प्रतिशतले बढेको छ ।

आजको कारोबारमा सर्वाधिक गुमाउने कम्पनीको अग्रस्थानमा बीएचएल  रहेको छ। यस कम्पनीको सेयर मूल्य ११.०३ प्रतिशत अर्थात् प्रतिकित्ता १०४ रुपैयाँले घटेर अन्तिम मूल्य ८३९ रुपैयाँ कायम भएको छ। त्यस्तै, सीवाइसीएलको सेयर मूल्य ८.९७ प्रतिशत अर्थात् १४४.२० रुपैयाँले ओरालो लागेर प्रतिकित्ता १,४६२.६० रुपैयाँमा झरेको छ। बजारका अन्य बढी गुमाउने कम्पनीहरूमा बिजीडब्लुटी को मूल्य ५.८४ प्रतिशत, एसबीडी८७ को ५.७६ प्रतिशत र टीएसएचएलको सेयर मूल्य ५.५७ प्रतिशतले घटेको छ ।

आज सबैभन्दा बढी रकमको कारोबार सोपिएल (क्इएी) को भएको छ, जसको १२ करोड ७७ लाख २५ हजारभन्दा बढीको सेयर किनबेच भएको छ । यसैगरी, आरएसएमएलको १२ करोड ८ लाख रुपैयाँ र एसएपिडीबिएलको १० करोड ५९ लाख रुपैयाँभन्दा बढीको कारोबार हुँदै सर्वाधिक टर्नओभर हुने कम्पनीहरूको अग्रस्थानमा रहेका छन् ।