हामी सबैकाे संसारन्यूज

८ साउन, पोखरा । कोरोना संक्रमणबाट गण्डकी प्रदेशमा आज २ जनाको मृत्यु भएको छ । प्रदेशको स्वास्थ्य निर्देशनालयका अनुसार प्रदेशमा बिहीवार तनहुँ र कास्की १\१ गरी २ जनाको मृत्यु भएको हो । बिहीवार थपिएका २ जनासँगै प्रदेशमा हालसम्म मृत्यु हुनेको संख्या १०४६ पुगेको छ ।

त्यस्तै प्रदेशमा आज म्याग्दीमा १९, पर्वतमा १६, गोरखामा ५३, लमजुङमा १४, तनहुँमा १२, कास्कीमा १५७, वाग्लुङमा ४६, स्याङजामा ५० र नवलपरासीपूर्वमा ५३ जना गरी ४१० जना नयाँ संक्रमित थपिएका छन् । ती मध्ये १७९ जना महिला र २३१ जना पुरुष रहेका छन् ।

निर्देशनालयद्धारा जारी विवरण अनुसार आज थपिएका मध्ये सबैभन्दा बढी संक्रमित कास्कीका छन् । साथै प्रदेशमा आज ४२० जना संक्रमणबाट मुक्त भएका छन् ।

बिहीवार थपिएका ४२० जनासँगै प्रदेशमा हालसम्म ६३ हजार ६१५ जनामा कोरोना संक्रमण पुष्टि भएको छ भने ती मध्ये ५९ हजार ६३९ जना निको भइसकेका छन् ।

प्रदेशमा हाल २९३० सक्रिय संक्रमित रहेका छन् । ती मध्ये होम आइसोलेशनमा २७८१ जना रहेका छन् भने अन्यको विभिन्न अस्पताल तथा संस्थागत आइसोलेशन सेन्टरमा उपचार भइरहेको निर्देशनालयद्धारा जारी विवरणमा उल्लेख छ ।