Sansar News
८ साउन, काठमाडौँ । सरकारले भोलिबाट लामो दुरीका सवारीसाधन संचालन गर्न दिने निर्णय गरेको छ ।
जिल्ला प्रशासन कार्यालय काठमाडौँले साउन ४ गतेको मन्त्रीपरिषद् निर्णय अनुसार त्रिभुवन विश्वविद्यालय तथा लोक सेवा आयोग लगायतका निकायहरुबाट परीक्षा कार्याक्रमहरु सार्वजनिक भएकोले देशका विभिन्न भागबाट हुने परीक्षाार्थी तथा सर्वसाधारणहरुको आवतजावतलाई सहज बनाउन यस्तो निर्णय गरेको जनाएको छ ।
सरकारले तोकेको जनस्वास्थ्यको मापदण्डको पूर्ण पालना गरी मध्यम तथा लामो दुरीका सार्वजनिक यातायात संचालन व्यवस्था मिलाउन जिल्ला प्रशासन कार्यालयले उपत्यकाका सम्पूर्ण यातायात व्यवसायीहरुलाई अनुरोध गरेको छ ।
यात्रा गर्ने यात्रुलाई अनिवार्य रुपमा टिकट काउन्टरबाट टिकट काटेर मात्र यात्रा गर्न समेत अनुरोध गरिएको छ ।
वि.सं.२०७८ साउन ८ शुक्रवार १९:०९ मा प्रकाशित
