हामी सबैकाे संसारन्यूज

१३ साउन, काठमाडौँ । प्रधानमन्त्री शेरबहादुर देउवालाई नेपालको प्रधानमन्त्री नियुक्त भएकोमा चीनका प्रधानमन्त्री ली खछ्याङले बधाई सन्देश पठाएका छन् ।

चिनियाँ प्रधानमन्त्रीले आफ्ना नेपाली समकक्षी देउवालाई आज बधाई सन्देश पठाएर चीन र नेपालबीचको रणनीतिक सम्बन्ध र साझेदारी तथा अनन्तकालसम्म रहिरहने मैत्री चिनियाँ चाहना भएको बताएका हुन् ।

On July 28, 2021, Chinese Premier Li Keqiang sent a congratulatory message to Rt Hon. PM @SherBDeuba. Li Keqiang said that he would like to work together with his counterpart to push forward the strategic partnership between the two countries to a new height!

— Ambassador Hou Yanqi (@PRCAmbNepal) July 28, 2021

सन्देशमा चिनियाँ प्रधानमन्त्रीले वेल्ट एण्ड रोड इनिसिएटिभ (बिआरआई)मार्फत सहयोग, कोरोना महामारी नियन्त्रण, त्यसविरुद्धको प्रतिकार्य तथा महामारीका कारण थलिएको अर्थतन्त्रको पुनरुत्थानमा सघाउन चीन क्रियाशील रहने उल्लेख गरेका छन् । साथै उनले पारस्परिक हितका खातिर काम गर्न तथा चीन र नेपालबीचको रणनीतिक साझेदारीलाई अझ सुदृढ तुल्याउँदै नयाँ उचाइ चुम्ने अभिलाषा प्रकट गरेका छन् ।

नेपालका लागि चिनियाँ राजदूत हउ यान्छीले परराष्ट्र मन्त्रालयको समेत कार्यभार सम्हालेका प्रधानमन्त्री देउवालाई उक्त मन्त्रालयमार्फत आफ्ना प्रधानमन्त्रीको सन्देश आजै परराष्ट्रका अधिकारीलाई बुझाएकी राष्ट्रिय समाचार समितिले जनाएको छ ।

प्रधानमन्त्री देउवाले बधाई सन्देशका लागि धन्यवाद व्यक्त दुई देशबिचको पारस्परिक सम्बन्धलाई अझ सुदृढ बनाउन सँधै हातेमालो गरेर अघि बढ्ने बताएका छन् ।

Thank you Premier Li Keqiang of the People’s Republic of China for your congratulatory message. I look forward to working closely with you to further strengthening our bilateral relations. We will continue our cooperation in #COVID-19 response and recovery.

— Sher Bahadur Deuba (@SherBDeuba) July 28, 2021