Sansar News
१४ साउन, काठमाडौँ । नेपाली कांग्रेसको पदाधिकारी र पूर्वपदाधिकारीको बैठक आजपनि बस्दै छ। १४ औं महाधिवेशन लक्षित गरेर बोलाइएको बैठक बिहीबार दिउँसो २ बजे बुढानीलकण्ठमा बस्दै छ ।
पार्टीको क्रियाशील सदस्यता विवरणमा आएपछि महाधिवेशनका अन्य कार्यक्रम अघि बढ्न सकेको छैन । उक्त विवाद टुंगो लगाउने बारे पनि छलफल हुने बताइएकाे छ । पार्टीको क्रियाशील सदस्यता विवादमा बुधबारको बैठकले मिलाउन नसकेपछि नमिलेका विषयमा सहमति कायम गर्न क्रियाशील सदस्यता छानबिन समितिलाई एक दिनको समय थप गरेको थियो।
समितिले मंगलबार मात्रै पार्टी पदाधिकारी र पूर्वपदाधिकारी बैठकमा क्रियाशील सदस्यता विवरणसम्बन्धी प्रतिवेदन बुझाएको थियो।
कांग्रेसले पार्टीको १४ औँ महाधिवेशन आगामी भदौ १६ देखि १९ गतेसम्म काठमाडौँमा गर्ने कार्यतालिका तय गरेको छ। तर क्रियाशील सदस्यताको विवादका कारण उक्त मितिमा महाधिवेशन नहुने निश्चित प्राय भइसकेको छ।
वि.सं.२०७८ साउन १४ बिहीवार १०:१६ मा प्रकाशित
