Sansar News
१४ साउन, काठमाडौँ । नेपाल सरकारलाई बढि कर तिर्ने अग्रणी कम्पनिको दोस्रो नम्बरमा नेपाल टेलिकम परेको छ ।
आर्थिकवर्ष २०७७/०७८ मा सरकारलाई धेरै कर तिर्ने मुख्य तीन कम्पनीको सूचीमा दूरसञ्चार क्षेत्रका दुई कम्पनी रहेका छन् । बढि कर तिर्ने सूचीको पहिलो नम्बरमा भने बहुर्राष्ट्रिय कम्पनी सूर्य नेपाल रहेको छ भने तेस्रोमा एनसेल रहेको छ ।
गत आर्थिक वर्षमा टेलिकमले अग्रिम आयकर र भ्याट गरी कूल ९ अर्ब कर बुझाएको छ । अघिल्लो आर्थिक वर्ष २०७६÷०७७ को तुलनामा भने यो कम हो ।
नेपाल टेलिकमको आय गिरावट हुनुमा अन्तर्राष्ट्रिय कलमा आएको कमी, कोरोनाका कारण म्यासेन्जर, भाइबर, ह्वाट्सएप तथा विभिन्न एपको प्रयोगलाई कारण मानिएको छ ।
वि.सं.२०७८ साउन १४ बिहीवार १०:२० मा प्रकाशित
