Sansar News
१४ साउन, काठमाडौँ । नेपाली कांग्रेसको केन्द्रीय क्रियाशील सदस्यता छानबिन समितिले सच्याइएको प्रतिवेदन पार्टीलाई प्रतिवेदन बुझाएको छ ।
रमेश लेखक नेतृत्वको उक्त समितिले मंगलबार बुझाएको क्रियाशील सदस्यता बारेको प्रतिवेदन अपुरो भएको भन्दै सभापति शेरबहादुर देउवाले सच्याएर ल्याउन २४ घण्टाको समय दिएका थिए । आज बसेको पार्टी पदाधिकारी तथा पूर्वपदाधिकारी बैठकमा समितिले सच्याएर ९६ प्रतिशत क्रियाशिल सदस्यता टुंगो लागेको प्रतिवेदन बुझाएको हो ।
समितिका सदस्य प्रदिप पौडेलले झण्डै सय वडामा विवाद रहेर नटुंगिएको ९६ प्रतिशत क्रियाशिल सदस्यता टुंगो लगाएर प्रतिवेदनमा भएका त्रुटीहरू सच्याइएको जानकारी दिए । उनले सप्तरी, बारा, धनुषा, सिन्धुपाल्चोक, नुवाकोटमा रहेको विवाद जटिल भएकाले त्यसको समाधानका लागि पार्टीको शीर्ष नेतृत्वलाई जिम्मेवारी दिइएको बताए । । क्रियाशिल सदस्यता विवाद समाधान हुन अब ४ प्रतिशतमात्र रहेको जनाउँदै उनले अब अधिवेशनका लागि बाटो खुलेको बताएका छन् ।
File Pic
वि.सं.२०७८ साउन १४ बिहीवार १८:२६ मा प्रकाशित
