Sansar News
साउन १७, काठमाडौं । नेकपा (एमाले)का अध्यक्ष केपी शर्मा ओलीले गठबन्धन सरकार कुबाटोबाट बनेको बताएका छन् । आइतबार पुष्पलाल स्मृति प्रतिष्ठानद्वारा आयोजित कार्यक्रममा उनले सरकार निर्वाचनको माध्यमबाट नभई गलत बाटोबाट आएको बताए ।
उनले भनेका छन्, ‘निर्वाचन र जनादेशको माध्यमबाट अर्को सरकार आउँछ भने त्यसलाई प्रतिगमन भनिँदैन तर, निर्वाचनको माध्यम र जनादेशको बाटोबाट होइन, कुबाटोबाट सरकार बन्यो ।’
उनले कुबाटोबाट बनेको कारण यो सरकारलाई प्रतिगमनकारी भन्नुपर्ने पनि बताए ।
उनले पाँच दलीय गठबन्धन भनेर माधवकुमार नेपाललाई एमाले नेताको हैसियतमा सहभागि गराइएको प्रति आपत्ती जनाए । उनले नेता नेपाललाई बेसरमको संज्ञा दिए ।
एक अर्को प्रसंगमा बोल्दै उनले स्काउटको गतिविधिमाथि लगाइएको रोकप्रति विरोध जनाए ।
वि.सं.२०७८ साउन १७ आइतवार १७:५६ मा प्रकाशित
