Sansar News
२१ साउन, काठमाडौं । स्वास्थ्य तथा जनसंख्या मन्त्रालयले साउन महिनादेखि कोरोना संक्रमण हुनेको संख्या क्रमश घट्दै जाने बताएको छ ।
प्रतिनिधिसभाको स्वास्थ्य तथा शिक्षा समितिमा स्वास्थ्य मन्त्रालयअन्तर्गतको नीति योजना तथा अनुगमन महाशाखाका प्रमुख डा. गुणराज लोहनीले एक तथ्यांक प्रस्तुत गर्दै साउनमा ५३,३०७, भदौमा ४५,७२६, असोजमा ३८,५९७, कात्तिकमा ३१०४४, मंसिरमा २५ हजार १८३ जना गरी १ लाख ९३ हजार ८५६ जना संक्रमित थपिने प्रक्षेपण गरिएको जनाएको छ ।
त्यसैगरी सोहि अवधिमा १ लाख ५५ हजार सामान्य, २९ हजार ७८ जना जटिल र ९ हजार ६९३ जनामा गम्भीर समस्या देखिने पनि मन्त्रालयले प्रक्षेपण गरेको छ ।
वि.सं.२०७८ साउन २१ बिहीवार १४:०१ मा प्रकाशित
