हामी सबैकाे संसारन्यूज

साउन २९, काठमाडौं । नेपाल राष्ट्र बैंकले चालु आर्थिक वर्ष २०७८र७९ का लागि मौद्रिक नीति आज सार्वजनिक गर्ने भएको छ । राष्ट्र बैंकका अनुसार अपरान्ह ४ बजे मौद्रिक नीति सार्वजनिक हुनेछ ।

साउन पहिलो साता नै सार्वजनिक हुने भनिएको मौद्रिक नीति सरकार परिवर्तनका कारण ढिलाइ भएको थियो ।

अहिले मौद्रिक नीतिका विषयमा छलफल गर्न राष्ट्र बैंकको सञ्चालक समिति बैठक बसिरहेको छ । जनाइएअनुसार सञ्चालक समितिले पारित गरे पश्चात नीति सार्वजनिक हुनेछ ।

अघिल्लो वर्ष साउन २ मा मौद्रिक नीति सार्वजनिक भएको थियो । तर, सरकार परिवर्तन भएसँगै सार्वजनिक गर्नका लागि ठिक्क पारिएको नीति सरकारले रोकिदिएको थियो ।

अर्थमन्त्री जनार्दन शर्माले नियुक्तीकै दिन नीति आउन ढिलाई हुने बताएका थिए । उनले धेरै विषयहरु समेट्न आवश्यक रहेको बताएका थिए ।