हामी सबैकाे संसारन्यूज

भदौ २, काठमाडौं । माधवकुमार नेपाल नेतृत्वको समूहले नयाँ दल दर्ता गर्ने भएको छ । राष्ट्रपति कार्यालयबाट राजनीतिक दल विभाजनसम्बन्धी अध्यादेश जारी गरे लगत्तै समूहले नयाँ दल दर्ताको निवेदन दिने भएको हो । माधव पक्षका नेता मेटमणि चौधरीले संसार न्यूजलाई बताएअनुसार नयाँ दल दर्ताको लागि सबै तयारी पुरा भईसकेको छ ।

‘हामी अब ओली नेतृत्वको एमालेमा रहेनौं, नयाँ दल दर्ताको सबै तयारी पुरा गरिसकेका छौं’, चौधरीले संसार न्यूजसँग भनेका छन्, ‘अध्यादेश जारी भएलगत्तै हामी निर्वाचन आयोगमा जान्छौं । ’

उनका अनुसार पार्टीको नाम र चुनाव चिन्हबारे निर्णय भईसकेको छ । पार्टीको नाम नेकपा एमाले (समाजवादी) राख्ने निर्णय भएको उनले बताए । उनका अनुसार पार्टीको चुनाव चिन्ह भने कलम प्रस्ताव भएको छ ।

नयाँ दल दर्ताको लागि ५७ जना केन्द्रीय सदस्यले हस्ताक्षर गरेको उनले जानकारी दिएका छन् । हालसम्म २५ जना सांसदको हस्ताक्षर भएको पनि उनले सुनाए ।

सम्बन्धित समाचार

पार्टीको नाम र चुनाव चिन्हसहित माधव पक्ष तयार, यस्तो नयाँ पार्टीको खाका