Sansar News
भदौ २, काठमाडौं । राष्ट्रपति विद्यादेवी भण्डारीले राजनीतिक दलसम्बन्धी अध्यादेश जारी गरेकी छिन् । बुधबार राष्ट्रपति भण्डारीले उक्त अध्यादेश जारी गरेकी हुन्।
मंगलबार बसेको मन्त्रिपरिषद बैठकले सो अध्यादेश जारी गर्नका लागि राष्ट्रपति समक्ष सिफारिस गरेको थियो ।
अध्यादेशमा पार्टीको केन्द्रीय समिति वा संसदीय दलका २० प्रतिशत सदस्यले पनि दल विभाजन गर्न पाउने व्यवस्था राखिएको छ । जुन व्यवस्थाप्रति चौतर्फी रुपमा आलोचना भईरहेको छ ।
सत्ता पक्ष र विपक्षी दलले पनि प्रारम्भिक रुपमै विरोध जनाएपछि राष्ट्रपतिले अध्यादेशबारे परामर्श पनि लिएकी थिइन् ।
वि.सं.२०७८ भदौ २ बुधवार १३:४४ मा प्रकाशित
