हामी सबैकाे संसारन्यूज

 २ भदौ, मुगु । मुगुमा मंगलबारदेखि मास्क बैंक अभियान संचालन गरिएको छ । लायन्स क्लव अफ मुगु राराको अगुवाईमा जिल्ला सदरमुकाम गमगढीमा कोरोना संक्रमणलाई लक्षित गदै मास्क बैक संचालन गरिएको हो ।

‘हुनेले दिउँ नहुनेले लिउँ’ भन्ने नाराका साथ स्थापना गरिएको मास्क बैक संचालनका लागी छायाँनाथ रारा नगरपालिका, जिल्ला स्वास्थ्य सेवा कार्यालय, छायाँनाथ सहकारी, मुगु उद्योग बाणिज्य संघ, एनआईसि एसिया बैक, डिप्रोस लघुवित्त, महाकाली नमुना माद्यमिक विद्यालय, सिदार्थ नेशनल बोडिङ्ग स्कुल, नेपाल पत्रकार महासंघ मुगु शाखा, हिरिसडेक मुगु, हामो्र सानो प्रयास काठमाडौंले मास्क सहयोग गरेको लायन्स क्लव अफ रारा मुगुका चार्टर प्रेसिडेन्ट विनोद कुमार मल्लले बताए ।

गाँउघर, बजार तथा बाटोघाटोमा विना मास्कका मानिसहरुको चहलपहल बढेपछि कोरोना संक्रमणले भहावह अवस्था लिने स्थिती देखिएकाले पैसाको अभावमा मास्क प्रयोग गर्न नसकेका जनतालाई निशुल्क मास्क दिन र दुई पैसा भएकाहरुले मास्क दान गरोस भन्ने उदेश्यले बैक संचालन गरेको लायन्स क्लवले बताएको छ ।

हामीले पहिलो चरणमा बजार क्षेत्रमा आउने सर्वसाधारणलाई लक्षित गदै बैक संचालन गरेको र सहयोगीदाताहरुको सहयोगको आधारमा जिल्लाका अन्य बजार क्षेत्रमा पनि बैक स्थापना गरिने छ चार्टर प्रेसिडेन्ट मल्लले बताए ।

मास्क बैकको उद्रघाटन गर्दै छायाँनाथ रारा नगरपालिकाका नगरप्रमुख हरिजंग शाहीले सरकारको एक्लो प्रयासले मात्र कारोना संक्रमण नियन्त्रण गर्न नसकिने भएकाले निजी तथा समाजिक क्षेत्रको पनि सहयोग र संलग्नता राज्यलाई चाहिएको बताए ।

उनले भने- मुगु जिल्लाका जनता गरिव छन् ।  यति सम्म की सामान्य १० रुपयाँ पर्ने मास्क किन्न सक्ने अवस्था छैन यसैलार्ई मध्यनजर गदै सर्वसाधारण जनतालाई निःशुल्क मास्क वितरण गर्ने उद्धेश्यका साथ लायन्स क्लवको अगुवाईमा विभिन्न सरकारी तथा सामाजिक संघ सस्थाहरुको सहयोगमा मास्क बैक स्थापना हुनु प्रशनिय कार्य हो ।’