हामी सबैकाे संसारन्यूज

६ भदौ, काठमाडौं । मलेसियामा कोरोना संक्रमणका कारण मृत्यु भएका १५ सहित २४ नेपालीको शब र अस्तु नेपाल ल्याइएको छ ।

बैदेशिक रोजगार बोर्डको सचिवालयका अनुसार शुक्रबार कोरोना संक्रमण भएर मृत्यु भएका १५ र अन्य घटनामा मृत्यु भएका ९ सहित १४ जनाको शब र अस्तु नेपाल ल्याइएको हो ।

कोरोना संक्रमणपछि मलेसियाबाट नियमित उडान नभएका कारण रोकिएका शबहरुको एकैपटक संकलन गरेर नेपाल ल्याइएको हो । जसमा कोरोना संक्रमणबाट मृत्यु भएका १५ नेपालीको अस्तुमात्र नेपाल ल्याइएको हो ।

कोरोना संक्रमणका कारण पछिल्ला केही समययता १५ देखि महिना दिनको एकैपटक शब संकलन गरेर ल्याउने गरिएको बोर्डले जनाएको छ । बोर्डका अनुसार आर्थिक वर्ष २०७७\०७८ मा विभिन्न देशमा विभिन्न घटनामा १ हजार २४२ जनाले ज्यान गुमाएका छन् ।

पछिल्लो एक दशमा विदेशमा झण्डै १० हजार विभिन्न घटनामा ज्यान गुमाएको पनि बोर्डले जानकारी दिएको छ ।