हामी सबैकाे संसारन्यूज

७ भदौ, काठमाडौं । हाल नेपालमा मनसुनी वायुको सामान्य प्रभाव रहेको र न्युन चापिय रेखा नेपाल भन्दा केही दक्षिणतिर रहेकोछ ।

हाल देशभर सामान्य बदली रहि प्रदेश नं १, बागमती, गण्डकी, लुम्बिनी प्रदेशका केहि स्थानहरूमा हल्का देखि मध्यम खालको वर्षा भइरहेको छ ।

मौसम पूर्वानुमान महाशाखाका अनुसार आज दिउँसो प्रदेश नं १ का एक वा दुई स्थानमा मेघ गर्जन÷चट्याङ्ग सहित भारी वर्षाको सम्भावना रहेको छ ।

त्यस्तै राति पनि प्रदेश नं २, गण्डकी प्रदेश, लुम्विनि प्रदेश र सुदूरपश्चिम प्रदेशका एक वा दुई स्थानमा मेघ गर्जन÷चट्याङ्ग सहित भारी वर्षाको सम्भावना रहेको महाशाखाले जनाएको छ ।

त्यसैगरी बाढी पूर्वानुमान महाशाखाका अनुसार आज कोशी, नारायणी, कर्णालीका सहायक नदीहरुमा बहाव बढ्ने, महाकालीका सहायक नदीहरुमा बहाव सामान्य घटबढ हुने; मझौला नदीहरु कन्काई, कमला, बागमती, पूर्वी राप्ती, तिनाउ, पश्चिम राप्ती र बबईमा बहाव बढ्ने तथा सतर्कता तह भन्दा तलै रहने पूर्वानुमान छ ।