Sansar News
७ भदौ, काठमाडौं । कोरोना संक्रमणबाट बागमती प्रदेशमा आइतवार थप ११ जनाको मृत्यु भएको छ ।
प्रदेशको सामाजिक विकास मन्त्रालयका अनुसार आइतवार काठमाडौंका ७६ र ६४ वर्षीया महिला, ७७, ८७ र ७० वर्षीय ३ पुरुष गरी ५ जनाको मृत्यु भएको हो ।
त्यस्तै चितवनमा ८४ वर्षीय पुरुष र ४७ वर्षीया महिला, रामेछापका ६० वर्षीय पुरुष, मकवानपुरका ५० वर्षीय पुरुष, ललितपुरकी ५० वर्षीया महिला, नुवाकोटका ९६ वर्षीय पुरुष गरी ११ जनाको मृत्यु भएको हो ।
आइतवार थपिएका ११ जनासँगै प्रदेशमा हालसम्म ज्यान गुमाउनेको संख्या ४,२४३ पुगेको छ ।
त्यसैगरी प्रदेशमा आइतवार गरिएको ७,७८८ नमुना परीक्षणमा ९६० जनामा संक्रमण पुष्टि भएको छ ।
प्रदेशमा आइतवार थपिएका ९६० जनासँगै हालसम्म संक्रमित हुनेको संख्या ४ लाख ७ हजार ५५९ पुगेको छ । सोहि अवधिमा ३ लाख ८६ हजार ९७ जना निको भइसकेका छन् । मन्त्रालयका अनुसार प्रदेशमा निको हुनेको यो संख्या ९४.७३ प्रतिशत हो ।
हाल प्रदेशका विभिन्न अस्पतालका आइसीयुमा ४०८ र भेन्टिलेटरमा १०४ जनाको उपचार भइरहेको छ भने होम आइसोलेशनमा रहनेको संख्या १५ हजार २३ रहेको छ ।
वि.सं.२०७८ भदौ ७ सोमवार ०९:२३ मा प्रकाशित
