Sansar News
भदौ ८, काठमाडौं । १० बुँदे कार्यान्वयनको मोडालिटी तयार पार्न भन्दै बोलाइएको एमाले स्थायी समिति बैठक ४ घण्टाका लागि सरेको छ । मंगलबार ११ बजेका लागि बोलाइएको बैठक अपरान्ह ३ बजेसम्मका लागि सारिएको एमाले केन्द्रीय कार्यालयका सचिव शेरबहादुर तामाङले जानकारी दिए ।
जनाइएअनुसार १० बुँदे कार्यान्वयनका लागि मोडालिटी तयार पार्ने जिम्मा पाएका नेताहरु अहिले छलफलमै छन् । उनीहरुले १० बुँदे कार्यान्वयनका ठोस मोडालिटी तयार पार्नेछन् । जसलाई स्थायी समितिले अनुमोदन गर्नेछ ।
आजको बैठकमा हालसम्म उपस्थित नभएका एमालेका तेस्रो धारका नेताहरु पनि उपस्थित हुने कार्यक्रम छ ।
माधवकुमार नेपाल एमालेबाट छुट्टिएसँगै सोमाबार मात्रै एमालेका तेस्रो धार र पार्टी अध्यक्ष केपी शर्मा ओलीबीच १० बुँदे कार्यान्वयन गर्नेबारे सहमति भएको थियो ।
वि.सं.२०७८ भदौ ८ मंगलवार १२:३६ मा प्रकाशित
