Logo
६ आश्विन २०७८, बुधबार
     Wed Sep 22 2021
Logo

संस्थालाई सक्षम बनाएर सफल नेतृत्व दिन सक्छु–डा.बद्री केसी



गैरआवासीय नेपाली संघ (एनआरएनए)को महाधिवेशन अक्टोबर २३ देखि २५ सम्म हुन गइरहेको छ । अनलाइन भोटिंगबाट निर्वाचन हुने भएपछि सबैमा उत्साह समेत थपेको छ ।

यतिबेला विभिन्न देशमा रहेका एनआरएनएहरुले संघको विभिन्न पदका लागि उम्मेदवारी घोषणा गर्ने क्रम जारी छ । रसियालाई कर्मथलो बनाउँदै आएका काठमाडौंवासी डा. केसीले पनि यसपाली एनआरएनएको अध्यक्ष पदमा उम्मेदवारी घोषणा गरेका छन् ।

एनआरएनए रसियाको २००७ मा महासचिव, २००९ देखि दुई कार्यकाल आइसीसी सदस्य,सन् २०१३ मा केन्द्रीय कोषाध्यक्ष, सन् २०१५ मा केन्द्रीय महासचिव र सन् २०१९ देखि २०२१ सम्म उपाध्यक्ष रहेर एनआरएनएमा महत्वपूर्ण भूमिका निर्वाह गरिसकेका डा. केसीले सन् २०२१–२०२१ का लागि अध्यक्ष पदमा उम्मेदवारी घोषणा गरेका हुन् ।

हाल संघको उपाध्यक्ष रहेका डा. केसी वैदेशिक रोजगार तथा कल्याकारी विभागका प्रमुख समेत हुन् नयाँ कार्यकालका लागि अध्यक्षमा उम्मेदवारी घोषणा गरेका डा. केसीसँग गरिएको संक्षिप्त कुराकानी

महाधिवेशनमा तपाईको एजेन्डा के हो ?
हाम्रो आठवटा विभागहरु छन् । जसमध्ये वैदेशिक रोजगार तथा कल्याकारी विभागको म प्रमुख हुँ । यो विभागमा चारवटा उप कमिटीहरु छन् । यी कमिटीमध्ये पहिलो वैदेशिक रोजगारमा गएका साथीहरुको समस्या केलाएर नेपाल सरकारसँग लबिंग गर्ने, हाम्रो संविधानमा गैरआवासीय नेपालीहरुलाई सामाजिक, आर्थिक र साँस्कृतिक अधिकारसहित नागरिकता दिने भनेको छ त्यो नागरिकता हामीले पाएका छैनौं त्यसको लबिंग गर्ने, गैरआवासीय नेपालीहरुका लागि छुट्टै कानुन बन्ने छ त्यो कानुन बनाउनका लागि पनि मैले लबिंग गरिरहेको छु ।

तपाईको उम्मेद्वारी चर्चा मात्र हो कि वास्तबिक अध्यक्षको दाबेदारी नै हो ?
गैरआवासीय नेपाली संघको अभियान सुरु गर्दादेखि नै म यहाँ छु । सुरुका दिनमा म साधारण सदस्यमात्र रहेर काम गरे । २००७ मा रसियाको महासचिव थिए । त्यसपछि दुई कार्यकाल म केन्द्रीय सदस्य भए । २०१३, २०१५ मा कोषाध्यक्ष थिए । त्यसपछि दुई कार्यकालमा म महासचिव भएर काम गरे । त्यसपछि २०१९, २१ मा म उपाध्यक्ष छु । त्सकारण मैले एनआरएनएमा नसम्हालेको पद छैन । मैले योसबै पदमा जितेर आएको छु। एनआरएनएमा रहेर थुप्रै काम गरेको छु । यो संघको विभिन्न पदमा रहेर कामलाई निन्तरता दिँदै आएको छु । त्यसैले कुनै चर्चा पाउनका लागि होइन अध्यक्षमा मेरो दाबेदारी वास्तबिक हो ।

तपाईलाई किन जिताउने ?
संस्थालाई आर्थिक रुपले सशसक्त बनाएर कसरी लैजाने भन्नेमा म कन्फ्युज छैन । किनभने यो संस्थाको जन्म भएको दिनदेखि म यस संस्थामा छु। यहाँ रहेर धेरै दुःखका दिनहरु पनि देखेको छु । २०१३ सालमा हामीले हाम्रा सचिवालयका सदस्यहरुलाई तलब खुवाउन पनि चन्दा उठाउन पर्थ्यो । म त्यो बेला कोषाध्यक्ष थिए । यस्तो खालको सामाजिक संस्थालाई आर्थिक रुपले सक्षम बनाउन सक्ने १० वर्षे योजना मैले बनाए । र, यहीं योजनाकै क्रममा भिजन २०२० पनि लिएर आएँ र आज यो संस्था एक वर्षमा ५० करोडको च्यारिटीको काम गर्न सक्ने भएको छ । त्यसैले संस्थालाई कसरी आर्थिक रुपले सक्षम बनाएर लैजाने भन्नेमा म कत्ति पनि कन्फ्युज छैन । कुराबाट सक्षम बनाएर संस्था हाक्न सक्ने हिम्मत ममा छ ।

अर्कोकुरा म कोषाध्यक्ष भएर काम गर्नु भन्दा पहिले केन्द्रीय सदस्य भएर काम गर्दा संस्थामा ४०,४५ वटा मात्र देशहरु थिए । महासचिव भएर का मगर्दैगर्दा विभिन्न देशमा ३० वटा नयाँ राष्ट्रिय समन्वय परिषद् खुल्यो ।सुरुमा हाम्रा साधारण सदस्यहरु समेत कम थिए । अहिले १ लाख १० हजार साधारण सदस्यहरु मात्र छन ्। म महासचिव हुँदा म लगायत मेरो टिमले एकदम उत्कृष्ट काम गरेको छ । वैदेशिक रोजगारमा केके समस्या छन् भनेर हामीले एक हप्ता अघि मात्र श्वेतपत्र समेत जारी गरेका छौं । अब आउने नयाँ उपाध्यक्षलाई अलमल हुनु पर्दैन । यी आठवटै विभाग, ४० वटा कमिटीहरु र ८४ वटा देशहरुलाई म कन्ट्रोल गर्न सक्छु। र, ती देशहरुमा बसेका नेपालीहरु पहिले आफैं सक्षम हुनुपर्छ अनि नेपाललाई सहयोग गर्नुपर्छ यी सबै कुराहरुलाई व्यवस्थापन गरेर म लैजान सक्छु भनेरै मैले अध्यक्ष पदको लागि आँट गरेको छु । साथीहरुले मलाई जिताउनुहुन्छ भन्नेमा म विश्वस्त छु ।

नेपालको विकासका लागि यहाँको संस्गागत तथा व्यक्तिगत भूमिका ?
विदेशमा सिकेको प्रविधिहरु नेपालमा ल्यायौं भने चाँडै रुपान्तरण हुन्छ । अन्य देशहरु जसरी नै नेपालमा छिट्टै विकास हुन सक्छ । त्यसमा हामीले हरेक दुईवर्षमा एकपटक स्किल इनोभेसनका कन्फरेन्सहरु गर्छौं । गतवर्ष गरिएको कन्फरेन्समा ४१६ वटा पेपरहरु प्रस्तुत गरेका थियौं । हामीले ती पेपरहरुलाई तयार गरेर नेपालका सबै सम्बन्धित मन्त्रालय, विश्वविद्यालय तथा रिसर्च सेन्टरहरुमा दिएका छौं र हामी उहाँहरुसँग कनेक्ट हुन चाहान्छौं । विदेशमा रहेका नेपाली जो कुनै न कुनै विषयमा विज्ञ हुनुहुन्छ उहाँहरु जो नेपालमा वर्षको एक, दुई महिनाको लागि निःशुल्क रुपमा यहाँका अस्पताल, ल्याब, कलेज तथा क्याम्पसहरुमा पढाउन चाहानुहुन्छ ती विज्ञहरुलाई यहाँसम्म ल्याउने कार्यक्रमहरु गरिरहेका छौं ।

तपाईको उम्मेद्ववारीमा साथीहरुको प्रतिक्रिया कस्तो छ ?
धेरै साथीहरुले भनेका छन्, एनआरएनमा बौद्धिक, अनुभवी र सक्षम व्यक्तिको नेतृत्व चाहिन्छ । जुन योग्यता म मा छ । त्यसैले म त्यो मापदण्डमा पनि पर्छु ।


यो खबर पढेर तपाईलाई कस्तो महसुस भयो ?

काठमाडौं । माओवादी केन्द्रका अध्यक्ष पुष्पकमल दाहाल ‘प्रचण्ड’की पत्नी सीता दाहालले पाएको पदको विषय

काठमाडौं । केही दिनदेखि निरन्तर घट्दै आएको सुनको भाउ बुधवारको बजारमा ह्वात्तै वृद्दि भएको

काठमाडौं । नेता डा. नारायण खड्कालाई परराष्ट्रमन्त्री बनाएको प्रति कांग्रेसभित्रै असन्तुष्टी देखिएको छ ।

काठमाडौं । त्रिभुवन विश्वविद्यालय परीक्षा नियन्त्रण कार्यालय बल्खुले परीक्षा केन्द्र कायम गरिएको सम्बन्धी सूचना