हामी सबैकाे संसारन्यूज

११ भदौ, काठमाडौं । अविरल वर्षापछि खसेको पहिरोका कारण नारायणगढ–मुग्लिङ सडकखण्ड अबरुद्ध भएको छ।

जिल्ला प्रहरी कार्यालय चितवनका अनुसार नारायणगढ– मुग्लिङ सडकखण्डको विभिन्न स्थानमा (सेतिदोभान १४ किलो, ५ किलो) मा खसेको पहिरो आज बिहान ६ बजेदेखि हटाउने क्रम जारी रहेको पनि प्रहरीले जनाएको छ ।

विहीवार साँझ ८ बजे गएको पहिरोका कारण दुईतर्फी सडक अवरुद्ध भएको र पहिरो नपन्छाउदासम्म बैकल्पिक बाटो अपनाउन पनि प्रहरीले अनुरोध गरेको छ ।

देवदहमा पूल भासियो
त्यसैगरी रुपन्देहीको देवदह नगरपालिका वडा नं ७ घोडाहस्थित पूर्व–पश्चिम राजमार्गमा रहेको पूल भासिएको छ ।

अविरल वर्षाका कारण उक्त पूल भासिएको जिल्ला प्रहरी कार्यालय रुपन्देहीले जनाएको छ । पूल भासिएपछि बुटवल खैरेनी सडकखण्ड अवरुद्ध हुनुका साथै सवारी आवागमन बन्द भएको छ ।

निरन्तर आइरहेको वर्षाका कारण आएको बाढीले देवदहका धेरै क्षेत्र डुबानमा परेको र उद्धार कार्य जारी रहेको पनि प्रहरीले जनाएको छ ।