हामी सबैकाे संसारन्यूज

१३ भदौ,काठमाडौँ । प्रहरी प्रतिवेदन प्रमाणपत्र प्रमाणीकरण अनलाइन प्रविधिबाट हुने भएको छ ।

कन्सुलर सेवा विभागले १३ गते आइतबार देखि लागु हुने गरी प्रहरी प्रतिवेदन प्रमाणपत्र प्रमाणीकरण पूर्णतया अनलाइन प्रविधिबाट गराउने भएको हो । विभागले एक विज्ञप्ती जारी गर्दै प्रहरी प्रतिवेदन प्रमाणपत्र प्रमाणीकरणका लागि अनलाइन आवेदन भर्नु पर्ने जनाएको छ ।

अनलाइनमा भरिएको फाराम स्वीकृत भए पछि अनलाइनमा राखिएको मोबाइल नम्बरमा फाराम स्वीकृत भएको जानकारी एस.एम.एस. मार्फत आउने विज्ञप्तीमा उल्लेख गरिएको छ ।

राजस्व दाखिला गरेको भौचर प्रहरी प्रतिवेदन रङ्गीन सहित विहान १० बजे देखि २ बजेसम्म आफै वा आफैले अनलाइन फाराम भर्दा तोकिएको व्यक्ति आउनु पर्ने छ । विभागमा कागजात लिन आउदा नागरिकताको प्रमाणपत्र वा फोटो सहितको परिचय खुल्ने कागजातसहित आउनु पर्ने कन्सुलर सेवा विभागले जनाएको छ ।

थप जानकारीका लागि कन्सुलर सेवा विभागको वेवसाइट nepalconsular.gov.np   मा सम्पर्क गर्न सकिने छ ।