हामी सबैकाे संसारन्यूज

१३ फागुन,मलेखु (धादिङ)। स्वतन्त्र विद्यार्थी युनियनको चुनावमा भोट हाल्नका लागि नीलकण्ठ बहुमुखी क्याम्पसले विद्यार्थीलाई कक्षा कक्षामा गएर सिकाएको छ ।

मतदान गर्नका लागि विद्यार्थी आतुर भए पनि मतदान गर्न जानेनन् भने यसको परिणाम राम्रो नहुने भएकाले सबै विद्यार्थीलाई स्ववियु निर्वाचनमा राम्रोसँग मतदान गर्न सिकाइएको नीलकण्ठ क्याम्पसका प्राध्यापक मुरारी अधिकारीले बताउनुभयो ।

सात सय ७९ मतदाता रहेको नीलकण्ठ क्याम्पसमा फागुन १४ गते हुने निर्वाचनमा अनेरास्ववियु, नेवि सङ्घ, अखिल (क्रन्तिकारी) र नयाँ शक्ति विद्यार्थी युनियन चुनावी प्रतिस्पर्धामा रहेका छन् ।

धादिङ जिल्लाका आठ क्याम्पसमा हुने स्ववियु चुनाव फागुन १४ गते तीनवटामा र फागुन १८ गते पाँचवटामा हुने मिति तय भएको छ ।