हामी सबैकाे संसारन्यूज

१८ भदौ, काठमाडौं । नेकपा एमालेका उपाध्यक्ष वामदेव गौतमले पार्टी परित्याग गरेका छन् ।

पार्टी अध्यक्ष केपी ओलीको शैलीका कारण एमालेमा रहिरहन नसकेको भन्दै उनले अध्यक्ष केपी ओलीलाई राजीनामा पत्र लेख्दै पार्टीबाट राजिनामा दिएका हुन् ।

‘म आफै संलग्न भएर निर्माण भएको एमालेमा तपाईकै गलत विचार, प्रवृत्ति र शैलीका कारण यस पार्टीमा रहिरन असमर्थ भएकोले आजको मितिमा पार्टीको उपाध्यक्ष पद र पार्टीका सबै जिम्मेवारीबाट राजिनामा दिएको छु,’ नेता गौतमले शुक्रवार बेलुका बुझाएको राजिनामा पत्रमा भनिएको छ, ‘फेरि पनि तपाईसँग चार दशक लामो मित्रताका कारण अब उपरान्त पनि हामी दुई वीचको व्यक्तिगत सम्बन्ध मित्रतापूर्ण रहोस् भन्ने अपेक्षा छ ।’

नेता गौतमले अध्यक्ष ओलीले जनताको वहुदलीय जनवाद र जननेता मदन भण्डारीका विचार र मान्यता ‘संविधानको सर्वोच्चता’ र ‘कानुनी राज्य’ को सिद्धान्तलाई परिपालन नगरेको आरोप समेत लगाएका छन् ।

‘जननेता मदन भण्डारीका नवीन शोच ‘कम्युनिष्ट पार्टीले जनताको जनादेशको आधारमा रज्यसत्ता सन्चालन गर्नुपर्छ’ भन्ने मान्यताका विपरति जनताको अत्यधिक बहुमत झण्डै दुई तिहाइ जनताको जनादेशलाई लत्याउदै पहिलो पटक २०७७ पुष ५ र दोस्रो २०७८ जेष्ठ ७ गते दुई–दई पटक संविधान विपरित जनताद्धारा निर्वाचित संसद भंग गर्नुभयो ।’ उनले भनेका छन् ।