हामी सबैकाे संसारन्यूज

१८ भदौ, काठमाडौं । भारतीय एसएसवीले तुइन काटिदिएपछि महाकाली नदीमा वेपत्ता भएका जयसिंह धामीलाई न्याय माग्दै अनेरास्ववीयुले भारतीय प्रधानमन्त्री नरेन्द्र मोदीको पुत्ला दहन गरेको छ ।

नेकपा (एकिकृत समाजवादी ) पार्टीको विद्यार्थी संगठन अनेरास्ववीयुले नेपाली भूमि दार्चुलामा भएको भारतीय दादागिरी विरुद्ध शुक्रवार राजधानीमा भारतीय प्रधानमन्त्री मोदीको पुत्ला दहन गरेको हो ।

उनीहरुले प्रधानमन्त्री शेरबहादुर देउवालाई जयसिंह घटनाको सत्यतथ्य छानविन गर्न आग्रह गर्दै यस विषयमा देउवा सरकारले चासो नदेखाएको भन्दै आलोचना समेत गरेका थिए ।

पुत्ला दहनका क्रममा अनेरास्वीयुका अध्यक्ष सुदेश पराजुली घाईते भएका छन् ।