हामी सबैकाे संसारन्यूज

भदौ २४, काठमाडौं । सत्तारुढ चार दलका नेताहरु छलफलमा जुटेका छन् । एमसीसीकी उपाध्यक्ष फातिमा सुमार काठमाडौंमा छलफलमा व्यस्त भईरहेका बेला नेताहरु छलफलमा जुटेका हुन् ।

प्रधानमन्त्री निवास बालुवाटारमा जारी बैठकमा प्रधानमन्त्री एवं नेपाली कांग्रेसका सभापति शेरबहादुर देउवासहित गठबन्धनका अन्य नेताहरु माओवादी केन्द्रका अध्यक्ष पुष्पकमल दाहाल प्रचण्ड, नेकपा (एकीकृत समाजवादी)का अध्यष माधवकुमार नेपाल, जनता समाजवादीका अध्यक्ष उपेन्द्र यादवलगायत सहभागी छन् ।

बताइएअनुसार मन्त्रिपरिषद् विस्तार, एमसीसीलगायतका विषयमा नेताहरुबीच छलफल गर्ने कार्यक्रम छ । यसअघि माओवादी केन्द्रका अध्यक्ष प्रचण्डले नेता नेपाल र यादवबीच छुट्टा छुट्टै छलफल गरेका थिए ।

एमसीसीको पक्षमा समर्थन जुटाउन भन्दै काठमाडौं आएकी फातिमाले भेटघाटलाई अगाडि बढाईरहँदा नेताहरुको छलफललाई अर्थपूर्णं मानिएको छ । यसअघि गठबन्धनका नेताहरुबीच एमसीसीको बारेमा सहमति नभएको विषय बाहिरिएको थियो ।