हामी सबैकाे संसारन्यूज

२४ भदौ, काठमाडौँ । नेपाली सेनाले गैंडा शिकार गरेको आरोपमा एक जनालाई पक्राउ गरेको छ । नेपाली सेनाले विहीबार एक प्रेस विज्ञप्ती जारी गर्दै गैंडा शिकार गरेको आरोपमा एक जनालाई पक्राउ गरेको जनाएको हो ।

चितवन राष्ट्रिय निकुञ्जमा सुरक्षाका लागि खटिएको नेपाली सेनाको टोलीले विगतमा गैंडा मारी खाग विक्रि व्यवसायमा संलग्न रहेको आरोपमा बुधबार एक जनालाई पक्राउ गरेको हो ।

पक्राउ पर्नेमा मुगु जिल्ला, मुगुम कर्मारोग गाँउपालिका — ९ , रोमका नाङ्गी तामाङ लामा रहेका छन् । सेनाले विज्ञप्ती मार्फत लामालाई विहिबार नै चितवन राष्ट्रिय निकुञ्ज कार्यलयलाई सकुशल बुझाएको जनाएको छ ।