Sansar News
भदौ २५, काठमाडौं । सरकारले पाँच लाख गरिब परिवारलाई १० हजारका दरले रकम दिने घोषणा गरेको छ। शुक्रबार संसदमा प्रतिस्थापन विधेयक प्रस्तुत गर्दै अर्थमन्त्री जनार्दन शर्माले गरिब परिवारलाई १० हजारका दरले अनुदान रकम दिने घोषणा गरेका हुन् ।
उनका अनुसार उक्त रकम कोभिड–१९ का कारण रोजगारी गुमाएका, अनौपचारिक एवं असंगठित क्षेत्रका विपन्न परिवारलाई वितरण हुनेछ ।
प्रतिस्थापन विधेयक प्रस्तुत गर्दै शर्माले भनेका छन्, ‘कोभिड(१९ का कारण रोजगारी र आयआर्जन गुमाएका अनौपचारिक एवं असंगठित क्षेत्रका गरिव तथा विपन्न करीब ५ लाख परिवारलाई एक पटकका लागि प्रति परिवार रु १० हजार निश्चित मापदण्डका आधारमा नगद अनुदान प्रदान गर्ने प्रबन्ध गरेको छु ।’
सम्बन्धित समाचार
एमालेको अवरोधकै बीच अर्थमन्त्री शर्माले संसदमा प्रस्तुत गरे बजेटको प्रतिस्थापन विधेयक (भिडियो लाईभ)
वि.सं.२०७८ भदौ २५ शुक्रवार १६:२८ मा प्रकाशित
