हामी सबैकाे संसारन्यूज

२९ भदौँ, काठमाडौँ । आईसीसी विश्वकप क्रिकेट लिग–२ अन्तर्गत नेपाल, ओमान र अमेरिकाबीचको त्रिकोणात्मक श्रृखलाको पहिलो खेलमा नेपालले अमेरिकालाई ५ विकेटले पराजित गरेको छ ।

टस जितेर पहिले ब्याटिङ्ग गर्ने निणर्य गरेको अमेरिकाले ५० ओभरमा ९ विकेट गुमाएर २३० रन बनाएको थियो । अमेरिकाका लागि मोनक पटेलले १०० रनको सतकीय पारी खेलेका थिए भने नेपालका लागि बलिङ्ग तर्फ विक्रम शोब, सन्दिप लामिछाने र शुशान भारीले सर्वाधिक २/२ विकेट लिएका थिए ।

अमेरिकाले दिएको २३१ रनको लक्ष्य नेपालले ४९ ओभरमा ५ विकेट गुमाएर पुरा गर्यो । नेपालका लागि ब्याटिङ्गमा कुशल भुर्तेल सर्वाधिक ८४ रन बनाएर आउट भएका थिए भने रोहित कुमार पौडेल ६२ रन बनाएर नटआउट रहेका थिए । त्यसैगरी आशिफ शेख २३, ज्ञानेन्द्र मल्ल १७, कुशल मल्ल १ र विनेद भण्डारी ३७ रन बनाएर आउट भएका थिए । अमेरिकाका लागि बलिङ्गमा निसर्ग पटेलले सर्वाधिक २ विकेट लिएका थिए ।