हामी सबैकाे संसारन्यूज

२९ भदौ, युके । नेकपा (एकिकृत समाजवादी) ओएनयूएफ युकेले कृष्ण तिवारीको अध्यक्षतामा १७ सदस्यीय कमिटी गठन गरेको छ ।

प्रवासी नेपाली मञ्च यूकेका उपाध्यक्ष उमेशराज मोक्तानको अध्यक्षता तथा संघका पदाधिकारीहरुको सेप्टेम्बर १२ मा सम्पन्न बैठकले प्रवासी नेपाली मञ्च विधिवत विघटन गरि माधव कुमार नेपाल नेतृत्वको नेकपा एकीकृत समाजवादी यूके गठन गरेको हो ।

उक्त कमिटीको वरिष्ठ उपाध्यक्षमा उमेशराज मोक्तान, उपाध्यक्ष सुशीला राई, महासचिव अर्जुन खतिवडा, कोषाध्यक्ष पुरुषोत्तम शर्मा र सदस्यहरूमा एस के गुरुङ, प्रकाश न्यौपाने, दिपक तामाङ, आयुष गुरुङ, नवीन राई, घनश्याम लामा, इन्दिरा बस्याल, मेनुका थापा, शुशी गुरुङ, दिपेन्द्र अधिकारी, अभिषेक कटुवाल, नोर्वु शेर्पा निर्विरोध चयन भएका छन् ।

त्यस्तै प्रवासी नेपाली मञ्चका निवर्तमान वरिष्ठ उपाध्यक्ष रामजी बराललाई समितिको सल्लाहकार चयन गरिएको छ भने आगामी दिनमा कमिटीमा पदाधिकारी र सल्लाहकारहरु चयन गर्दै जाने नवगठित कमिटीका अध्यक्ष तिवारीले जानकारी दिएका छन् ।

नवगठित कमिटीका पदाधिकारीहरूलाई प्रमुख अतिथि नेकपा एकीकृत समाजवादी पार्टीका केन्द्रिय सदस्य तथा विदेश विभाग प्रमुख श्रीप्रसाद शाहले पार्टीको विधान अनुसार ‘भर्चुअल’ शपथ ग्रहण गराएका थिए ।

शाहले कमिटीलाई बधाई दिंदै पार्टीको विधि विधान, पद्धति र मान्यतालाई साथ दिंदै मन, वचन र कर्मले राष्ट्र, जनता र पार्टीप्रति बफादार हुँदै प्रवासमा रहेका सबै नेपालीहरुसँग हातेमालो गर्दै कमिटी विस्तार गर्न आग्रह गरेका थिए ।

भर्चुअलमाध्यमबाट उपस्थित विशेष अतिथि युरोप सचिव सुभाष पोखरेल र प्रत्यक्ष उपस्थित अतिथि प्रदेश नम्बर १ सदस्य तथा अखिल नेपाल महिला संघकी केन्द्रप्य सदस्य सुष्मा राईले पनि कमिटीका पदाधिकारीहरुलाई बधाई तथा शुभकामना दिएका थिए ।