हामी सबैकाे संसारन्यूज

२९ भदौ, काठमाडौं ।  कार्डस् एग्रिकल्चर इण्डष्ट्रिजको पहलमा नवलपरासीका बाढी पीडितलाई आर्थिक सहयोग गरेको छ ।

कम्पनीका सन्चालक समितिको छलफल पश्चात कार्डस् अन्तर्राष्ट्रिय बिभाग प्रमुख के वि हमालको नेतृत्वमा (राहत आर्थिक संकलन अभियान) समिति गठन गरि आर्थिक सहयोग गरिएको हो ।

कार्डस् अर्गनाइजेसन कतार, नवलपरासी सेवा समाज, नेप्लिज बर्दश रोमको विशेष पहलमा नेपालमा लगातार परेको बर्षाले मुख्यतः नवलपरासी जिल्लामा ठूलो धनजनको क्षति पुर्याएकोमा कार्डस् अन्तर्राष्ट्रिय अर्गनाइजेसन समन्वय समितिका महासचिव सजन लौडारीको सयोजकत्वमा आर्थिक संकलन अभियान सुरुवात गरेको बताइएको छ ।

अन्य जिल्लाको तुलनामा नबलपरासीको रामग्राम नगरपालिका वार्ड नं ६ मा बढी क्षति भएको हुँदा उक्त क्षेत्रलाई मध्यनजर गरि रामजी लौडारीको संयोजकत्वमा सदस्यहरु शुदर्शन पहारी, राम प्रसाद पन्थी, ज्ञान बहादुर कार्की, शुशिला पौडेल, प्रतिमा कार्की र जित बाहादुर आलेको नेतृत्वमा तत्कालका लागि विभिन्न देशमा कार्यरत नेपाली दाजुभाइ तथा दिदी बहिनीहरुबाट संकलन गरिएको उक्त १ लाख ६० हजार रुपैयाँ सहयोग गरिएको संस्थाले बताएको छ ।

उक्त सहयोग रकम बर्दघाट नगरपालिका वडा नं १४ का ४ घर परिवार, रामग्राम वडा नं ६ का १९ घरपरिवार र सुनवल नगरपालिका वडा नं ४, १० र १२ का १५ घरपरिवारलाई जनही रु ३ हजारका दरले वितरण गरिएको बताइएको छ ।