Sansar News
भदौ २९, काठमाडौं । प्रमुख प्रतिपक्षी दल नेकपा (एमाले)को अवरोधकै बीच प्रतिनिधिसभा बैठकबाट विनियोजन विधेयक २०७८ बहुमतले पारित भएको छ ।
बैठक शुरु हुने वित्तिकै अर्थमन्त्री जनार्दन शर्माले विनियोजन विधेयकमाथिको छलफल अगाडि बढाइयोस् भन्ने प्रस्ताव पेश गरेका थिए । अर्थमन्त्रीको उक्त प्रस्तावमाथि सैद्धान्तिक छलफलको लागि नाम टिपाउन सभामुखले आग्रह गरेका थिए । उक्त प्रस्तावमाथिको छलफलमा नेमकिपाका सांसद प्रेम सुवाल मात्रै सहभागी भए ।
सुवालले धारणा राखेसँगै सभामुखले उक्त विधेयकलाई निर्णयार्थ प्रस्तुत गरे र बहुमतले पारित भएको घोषणा गरे । विधेयक पारित भएसँगै सापकोटाले शोक प्रस्तावहरु पारित गर्दै बैठक स्थगित गरिदिएका छन् ।
प्रतिनिधि सभाको अर्को बैठक असोज ४ गतेका लागि बोलाइएको छ ।
हेर्नुहाेस् भिडियाेमा संसद बैठक
वि.सं.२०७८ भदौ २९ मंगलवार ०७:५७ मा प्रकाशित
